Mat Socho!

Aur us ne
Mere saghar me
Mae surkh undeli  to kaha
                    mat socho!

Tum yahan aye ho
Is mulk ke
Is sheher ke
Is hajla e taskeen me jahan
Sab ke sab raqsan kunan
Naghma e balb
Mast ada
mat socho!
Jagti rat
Ke chehre pe he khushbu ki rida
                     mat socho!


Tum bhi kia log ho
Perdais bhi aatey ho
To le aatey ho
Beemar shab o roz o dil e figar
Azizan e watan ki yaden

Apni zholida o bosida qamizon ki tarha
Jin ke dhabbon ko
Khud kar machinen bhi nahin dho saktin

Ye jo zangar hen ghurbat ke
Khud azar jo tarikiyan zehnon ki hen
Aalaishen jismon ki hen
Is tarha sanbhale huey phirtey ho
Ke jese ye tmhare dil o jaan hon
Is ghari tum ho jahan
Mumlikat khawab nahin
Yaan kisi soch ka gurdab nahin
Zindagi mae ki tarha
Shokh he tarrar he zehrab nahin

Apne kashkol ko dehleez per rakh ao
ke dre waza gari
Is jaga shamil e adaab nahin
Mat socho!

Aa Mere Yar e Qadah Raiz!!

Chand nikla he meri aankh
Mere dil me utare he tujhe
Aa mere yar e qadah raiz
Mera jaam pukare he tujhe


Yunhi tanhai me betha tha
Sar e sham bhulae huey sari dunya
Yunhi ik yad si jag uthi
To lagne lagi pyari dunya


Main to jesa bhi hun khush waqt hun
Kesi he tumhari dunya
Tum ne jis daoun jeeta he
Isi bazi me hari dunya

Aa mere yar e qadah raiz
Mera hath he khali kab se
Mera dil he choor zakhmon se
Meri aankh sawali kab se

Pesh e manzar me ab ajao
Ke hen asnaam khyali kab se
Muntazir haal me bethey huey logon ki tarha
Yun hi bajatey rahen taali kab se

Aa mere yar e qadah raiz
Mera nam he gali kab se!!

More sad urdu poetry

Har Zarra e Ummid Se Khushboo Nikal Aaye!

Har Zarra e Ummid Se Khushboo Nikal Aaye
Tanhaai Ke Sehra Mei Agar Too Nikal Aaye

Kaisa Lagey Iss Baar Agar Mousam e Gull Mei
Titli Ka Badan Orrh Ke Jugnoo Nikal Aaye

Phir Dinn Teri Yaado Ki Munderon Pe Guzra
Phir Shaam Hui Aaankh Se Aansu Nikal Aaye

Be Chen Kiye Rehta Hai Dharka Yahi Jee Ko
Tujh Mei Na Zamaney Ki Koi Khoo Nikal Aaye

Phir Dil Ne Kiya Tark e Taalluk Ka Iraada
Phir Tujh Se Mulaakat Ke Pehloo Nikal Aaye


May you like:
Mai Udaas Rasta Hoon Shaam Ka

Usse Hum Bhool Jatey Han! - Bhula Dena Poetry

Baaz Ajao Taghaful Sey Warna Ahl e Dil Aksar
Jise Bhool Jate Han, Osey Bass Bhool Jate Han!

~~~~~~~~~~~~~~~~~~~~~~~~~~~~~~~~~~

Abhi Masroof Hoon Kaafi,
Kabhi Fursat Main Sochun Ga!!
Ke Tujh Ko Yaad Rakhney Mei,
Mai Kia Kia Bhool Betha Hoon!!

~~~~~~~~~~~~~~~~~~~~~~~~~~~~~~~~~~

Yaar Ab Mujhey Bhool Jao Tou Behter Hai
Mai Ab Kisi Ko Kho Nahin Sakta!!

~~~~~~~~~~~~~~~~~~~~~~~~~~~~~~~~~~

Yehi Dastoor Hay Apna, Zabardasti Nahin Kartey!
Jo Thoraa Hatt Ke Milta Hay, Usse Hum Bhool Jatey Han!

~~~~~~~~~~~~~~~~~~~~~~~~~~~~~~~~~~

Bikhri Ret Pr Kis Naqsh Ko Abaad Rakhay Ga!
Woh Mujh Ko Yaad Rakhh Kr Bhi Kitna Yad Rakhay Ga!

Usse Bunyaad Rakhhni Hai Abhi Dil Mei Mohabbat Ki,
Magar Yeh Sang Seeney Pr Woh Mere Baad Rakhay Ga!

Palat Kr Bhi Nahi Dekhi Teri Yeh Be Rukhhi Hum Ne!
Bhula Denge Tujhay Aesa Ke Tu Bhi Yaad Rakhay Ga..!


~~~~~~~~~~~~~~~~~~~~~~~~~~~~~~~~~~

Ab Merey Ashk e Mohabbat Bhi Naheen Ap Ko Yaad!
Ap To Apney Hi Daman Ki Nami Bhool Gaye!

~~~~~~~~~~~~~~~~~~~~~~~~~~~~~~~~~~

Baat Niklay Gi Tou Phir Dour Talak Jaaye Gi!

Baat Niklay Gi Tou Phir Dour Talak Jaaye Gi
Logg Bewaja Udaasi Ka Sabab Poochen Gay
Yeh Bhee Poochen Gay K Tum Itnay Pareshan Kiu Ho
Ungliyan Uttain Gi Sookhay Howe Baalon Ki Taraf
Ek Nazar Dekhain Gay Guzray Howe Saalon Ki Taraf
Choorion Pe Bhee Kayi Tanzz Kiye Jaayen Gay
Kaanptay Haathon Pay Bhee Fikray Kasay Jaayen Gay
Logg Zaalim Hen Har Ik Baat Pay Taana Dain Gay
Baaton Baaton May Mera Zikr Bhee Ley Aayen Gay
Unki Baaton Ka Zara Saa Bhee Assr Mat Layna
Warna Chehray Kay Taassur Say Samajh Jaayen Gay
Chaahy Kuch Bhee Ho Sawaalat Na Karna Unn Say
Merey Baaray Me Koi Baat Na Karna Unn Say
Kiun Kay...,
Baat Niklay Gi Tou....!

Suno!! Tum Nay Kabhee Sahil Pay Bikhri Rait Daikhi Hay!! - Samandar Saath Baitha Hy!

Suno..!
Tum Nay Kabhee
Sahil Pay Bikhrree
Rait Dekhee Hy??

Samandar Saath Baitha Hy
Magar Os Kay Muqadar May
Hamaisha Pyaas Rahti Hy!!


Suno..!
Tum Nay Kabhee
Sahra May Jaltay
Pairr Daikhay Han??

Sabhee Ko Chhaon Daitay Han
Magar Inn Ko Silay May
Dhoop Milti Hy!!


Suno..!
Tum Nay Kabhee
Shaakho Say Bichhartay
Phool Daikhay Han..?

Wo Khushboo Baant Daitay Han
Bichhar Janay Talak Lekin
Hawa Ka Saath Daitay Han!!


Suno..!
Tum Nay Kabhee Mailay May
Bajtay Dholl Daikhay Han??

Ajab Hay Almia In Kaa
Bohot Hee Shorr Kartay Han!!
Magar Andar Say Khaali Hotay Han!!

Yehi Mera Fasanaa Hay!!
Yehi Meri Kahani Hay!!


More in Urdu Poetry
Keep reading: sad poetry at softsonnets.blogspot.com


Image: http://www.flickr.com/photos/jjjohn/2240602720/

Kaheen Miley To Ye Usse Kehna!

Kaheen Miley To Ye Usse Kehna!
Ke Tanha Saavan Bitaa Raha Hoon
Mai Saarey Armaan Jala Chuka Hoon
Jo Sholay Bharkey The Khwahisho Ke
Vo Aansu'on Sey Bujha Chuka Hoon!

Kaheen Miley To Ye Usse Kehna!
Ke Chaak Daman Ko Si Raha Hoon
Bari Hi Mushkil Se Ji Raha Hoon
Diya Jo Nafrat Ka Zeher Us Ne
Samajh Ke Amrit Vo Pee Raha Hoon!

Kaheen Miley To Ye Usse Kehna!
Baghaer Us Ke Udaas Hoon Mai
Badalti Rutt Ka Qayyas Hoon Mai
Bujha Dey Apni Mohabbaton Sey
Sulagti Sadii'on Ki Pyaas Hoon Mai

Kaheen Miley To Ye Usse Kehna!
Ke Tanha Saavan Bitaa Raha Hoon!


More in sad urdu poetry

Parhney Waalon Ka Qehet Hay Warna!

Parhney Waalon Ka Qehet Hay Warna!
Girtey Aansoo Bhi Kitaab Hotey Han!

More in sad poetry sms

Is November Ki Tanha Raaton Mei

Is November Ki Tanha Raaton Mei
Yehi Hai Mashghala Apna!

Laga Kar Taik Takye Se
Tumhe Bas Sochte Rehna!

Good Night

More in sad poetry

Tujh Ko Nahe Ehsaas!

Tujh Ko Nahin Ehsas Ke Aye Ishq
Teri Khaatir!

Ek Shux Barey Kaam Ka Bekaar
Hua Hye!

Posted in sad poetry sms

Teri Kami Ka Azaala

Har Cheez Dastyaab Hai Dunya Jahan Ki
Lekin Teri Kami Ka Azaala Na Ho Saka!

Filed in sad poetry sms

DOSTI Ka Silaa!

Duniya To DOSTI Ka Silaa De Chuki Mujhey...!
Tu Bhi Mera Khuloos Merey Moo Pe Maar Dey...!

Posted in sad poetry sms

Raaz e Hasti Kuch Nahin

Raaz e Hasti Kuch Nahin
Aksar Yehi Dekha Gaya!

Be Khabar Haste Rahey
Baa Khabar Rote Rahey!


Filed in sad poetry sms

Taak Me Dushman Bhi Thay

Taak Me Dushman Bhee Thay
Pusht Pr Ahbab Bhi...!

Pehla Teer Kis Ney Mara
Ye Kahani Phir Kabhi...!


Posted in Sad Poetry SMS

Humen Avaaz De Lena

Kabi Jo Ghabra Jao Dunia Ki Vehshaton Sey
Humen Avaaz De Lena Akele Hum Bi Hote Han!

Filed in Sad Poetry SMS

Us Ke Aane Ki Khabar Sunte Hi!

Us Ke Aane Ki Khabar Sunte Hi Tayyari Ki
Maine Jee Bhar Ke Gulaabon Ki Kharidari Ki

Halat e Hijr Me Filhaal Sukoon Milney Laga
Nasha e Dard Ne Awaz Nahi Bhaari Ki

Warna Ye Logg Mujhe Tum Se Juda Kr Dete
Maine Daanista Mohabbat Me Adakari Ki

Ishq Me Mera Bhi Deewangi Maslak Hai
Maine Iss Waaste Majnu Ki Tarafdari Ki

Phool Khiltey Hi Koi Bichhra Hua Yaad Aya
Maine Khoshi Ke Mousam Me Ashkbari Ki


Filed in Sad Poetry SMS

Jahaan Bhooli Hui Yaaden!

Jahaan Bhooli Hui Yaaden
Daaman Thaam Lein Dil Ka

Wahan Sy Ajnabi Ban Kar
Guzar Jana Hi Behter Hai...!


Posted in Sad Poetry SMS

Baith Ke Tanha Udaas Raaton Me

Baith Ke Tanha Udaas Raato Me
Ye Sochta Rehta Hoon!

Zindagi Khatam Ho Rahi Hai
Wafa Ki Talash Karte Karte...!

Posted in Sad Poetry

Tu Mohabbat Kare Ga

Theek Hi Kehta Tha Mere Muqadar Ka Sitara*

Tu Mohabbat Kare Ga To Mai Gardish Krun Ga...

Filed in Sad Urdu Poetry

Mujhe Bhool Jaa!

Ye Dukhon Ki Lambi Musafatein!
 
Kabhi Nafratein,
Kabhi Chahatein,


Kahin Kar Na Dein Humein Phir Judaa!

Mujhe Bhool Jaa!
Mujhe Bhool Jaa!


Filed in Sad Poetry SMS