Is Se Pehley Ke Shaam Ho Jaye!!!

Is se pehley ke dasht e imkaan mei
Wasl e janaan ki arzoo na rahe

Is se pehley ke baar e gham se kahin
Tujh ko pane ki justuju na rahe

Is se pehley ke loh e qismat per
Baab e ulfat tamaam ho jaye

Laut aao ke muntazer hai koi
Is se pehley ke shaam ho jaye!!!

Bohat Si Digriyan Le Kar!!

Suno......! 
bohat c digriyan le kar..... 
hunar pe dastras le kar....... 
nisab-e-chahat- e-dil k chamakte lafz
aankon se ager parhne se kasir ho tou ....... 
jahil ho....

Thehri Thehri Si Tabiat Mei Rawaani Aai!

Thehri Thehri Si Tabiat Mei Rawaani Aai,
Aaj Phir Yaad Mohabbat Ki Kahani Aai!

Aaj Phir Neend Ko Aankhon Se Bichharte Dekha,
Aaj Phir Yaad Koi Chot Puraani Aai!

Muddaton Baad Chala Un Pe Hamara Jaadu,
Muddaton Baad Humain Baat Banani Aai!

Muddaton Baad Pashemaan Huwa Darya Hum Par,
Muddaton Baad Humain Pyaas Chupaani Aai!

Muddaton Baad Khuli Wusat e Sehra Hum Par,
Muddaton Baad Humain Khaak Uraani Aai!

Itni Asaani Se Milti Nahin Fun Ki Doulat,
Dhal Gai Umr To Ghazalon Pe Jawani Aai!

Ye Qayaam Kesa Hai Raah Mei!

Chand Muntakhib Ashaar!!

Thaki, Tooti Huwi Neendon Ke Darmyaan Aksar,
Bohot Chupke Se Jaag Uth'ti Han Teri Yaadain!!


Ye Qayaam Kesa Hai Raah Mei,
Terey Zouq e Ishq Ko Kia Hua,
Abhi Chand Kaantey Chubey Nahin,
Terey Sub Iraade Badal Gaye!!


Oron Ka Tajurba Jo Kuch Ho, Magar Hum To Firaaq,
Talkhi e Zeest Ko Jeene Ka Maza Kehtey Han!!


Itni Lambi Umar Bhi Na Maang Mere Lye Dost!!
Aesa Na Ho Ke Tum Bhi Chorr Do Or Mout Bhi Na Aye!!

Jab Khoon Baha Talab Karen, Bunyaad Kuch Tou Ho!

Marney Chaley to Sitwat e Qaatil Ka Khouf Kiya!
Itna Tou Ho Ke Baandhne Paaye Na Dast o Paa!
Maqtal Mei Kuch To Rang Jamey Jashn e Raqs Ka!
Khoon Par Daman e Jallad Kuch Tou Ho!
Jab Khoon Baha Talab Karen, Bunyaad Kuch Tou Ho!

Is Dor e Bejunoon Ki Kahani Koi Likho!!

Is dor bejunoon ki kahani koi likho
Jismon ko baraf'khon ko pani koi likho

Koi kaho ke hath qalam kis tarha huey
Kiun ruk gai qalam ki rawani koi likho

Kiun ahl e shoq sar ba gireban hen dosto
Kiun khun ba dil he ahd e jawani koi likho

Kiun surma dar gulu he her ik taair e sukhan
Kiun gulistan qafas ka he sani koi likho

Han taza sanihon ka karey kon intazar
Han dil ki wardat purani koi likho

Read another poetry:
http://softsonnets.blogspot.com/2013/10/jesay-teri-dunya-se-mujhay-kabhi-jana.html

Tujh Mei Or Mujh Mei

Tujh Mei Or Mujh Mei,
Farq Sirf Itna Hai Dost..!

Tera Kuch Kuch Hoon Main...
Or Mera Sub Kuch Hai Tu...!


Another good set of couplets: Mai Jis Jaga Hoon Kisi Daleel Se Hoon
at: http://softsonnets.blogspot.com/2013/12/mai-jis-jaga-hoon-kisi-daleel-se-hoon.html

Woh Muskuraa Ke Naye Waswason Mei Daal Gaya!!

Woh Muskuraa Ke Naye Waswason Mei Daal Gaya!!
Khayaal Tha Usay SharamSaar Karna Hai!!

Dil Garifta He Sahi Bazm Saja Li Jae

Dil garifta he sahi bazm saja li jae
Yad e janan se koi sham khali na jae

Rafta rafta yehi zandan me badal jatey hen
Ab kisi sheher ki buniyad na dali jae

Mashaf e rukh he kisi ka biyaz e hafiz
Aese chehrey se kabhi faal nikali jae

Wo murawwat se mila he to jhuka dun garden
Merey dushman ka koi waar na khali jae

Be nawa sheher ka saya he merey dil pe faraz
Kis tarha se meri aashufta khayali jae

Mai Jis Jaga Hoon, Kisi Daleel Se Hoon!

Mai Inquilab Pasando Ki Ek Qabeel Se Hoon!
Jo Haqq Pe Datt Gya, Us Lashkar e Qaleel Se Hoon!

Mai Yoon Hi Dast o Garebaan Nahin Zamane Se!
Mai Jis Jaga Hoon, Kisi Daleel Se Hoon!

Kab Badalti Hain Zamaney Ki Rivayaat!

Ab Tou Mumkin Hi Nahin Un Sey Mulaqaat!
Ab Tou Urooj Pe Ponchi Hai Us Ki Zaat!

Wohi Waadey Hain or Rasmoon Ki Zanjireen Baqi!
Kab Badalti Hain Zamaney Ki Rivayaat!

Na Koi Fikar Lahaq Hai!!

Na Koi Fikar Lahaq Hai!!
Na Kisi Ki Yaad Aati Hai!!

Magar Ye Dusra Misraa,
Zara Saa Jhoot Lagta Hai!!

Her Tamashai Faqt Sahil Se Manzar Dekhta

Her tamashai faqt sahil se manzar dekhta
Kon darya ko ulat ta kon gohar dekhta

Wo to dunya ko meri diwangi khush agai
Tere hathon me wagarna pehla patthar dekhta

Aankh me aansu jurey they per sada tujh ko na di
Is tawaqu per ke shayed to plat kar dekhta

Meri qismat ki lakeeren mere hathon me na thin
Tere mathey per koi mera muqaddar dekhta

Zindagi pheli hui thi sham e hijran ki tarha
Kis ko itna hosla tha kon ji kar dekhta

Doobne wala tha or sahil pe chehron ka hujoom
Pal ki mohlat thi main kis ko aankh bhar kar dekhta

Tu bhi dil ko ak lahu ki boond samjha he Faraz
Aankh agar hoti to qatrey me samandar dekhta

Mohabbat Chorr Di Tum Ne!

Haal Jab Bhi Pucho,
Khairiat Batate Ho,

Lagta Hai Mohabbat
Chorr Di Tum Ne!


More Bewafa Poetry

Mat Socho!

Aur us ne
Mere saghar me
Mae surkh undeli  to kaha
                    mat socho!

Tum yahan aye ho
Is mulk ke
Is sheher ke
Is hajla e taskeen me jahan
Sab ke sab raqsan kunan
Naghma e balb
Mast ada
mat socho!
Jagti rat
Ke chehre pe he khushbu ki rida
                     mat socho!


Tum bhi kia log ho
Perdais bhi aatey ho
To le aatey ho
Beemar shab o roz o dil e figar
Azizan e watan ki yaden

Apni zholida o bosida qamizon ki tarha
Jin ke dhabbon ko
Khud kar machinen bhi nahin dho saktin

Ye jo zangar hen ghurbat ke
Khud azar jo tarikiyan zehnon ki hen
Aalaishen jismon ki hen
Is tarha sanbhale huey phirtey ho
Ke jese ye tmhare dil o jaan hon
Is ghari tum ho jahan
Mumlikat khawab nahin
Yaan kisi soch ka gurdab nahin
Zindagi mae ki tarha
Shokh he tarrar he zehrab nahin

Apne kashkol ko dehleez per rakh ao
ke dre waza gari
Is jaga shamil e adaab nahin
Mat socho!

Aa Mere Yar e Qadah Raiz!!

Chand nikla he meri aankh
Mere dil me utare he tujhe
Aa mere yar e qadah raiz
Mera jaam pukare he tujhe


Yunhi tanhai me betha tha
Sar e sham bhulae huey sari dunya
Yunhi ik yad si jag uthi
To lagne lagi pyari dunya


Main to jesa bhi hun khush waqt hun
Kesi he tumhari dunya
Tum ne jis daoun jeeta he
Isi bazi me hari dunya

Aa mere yar e qadah raiz
Mera hath he khali kab se
Mera dil he choor zakhmon se
Meri aankh sawali kab se

Pesh e manzar me ab ajao
Ke hen asnaam khyali kab se
Muntazir haal me bethey huey logon ki tarha
Yun hi bajatey rahen taali kab se

Aa mere yar e qadah raiz
Mera nam he gali kab se!!

More sad urdu poetry

Tankhwah Le Ke Bhi Khali Haath Rahey!!

Tankhwah Le Ke Bhi Khali Haath Rahey!!
Faqat Paise Ki Aani Jani Dekhi

Ye Nokri Ki Zindagani Bhi Ajab Thehri
Na Bacho Ka Bachpan Dekha, Na Biwi Ki Jawani Dekhi!!

Jesay Teri Dunya Se Mujhay Kabhi Jana Hi Nahi Tha!!!

Dushman Meri Khushhiyon Ka Zamaana Hi Nahi Tha
Tum Ne Bhi Kabhi Apna Tou Jana Hi Nahi Tha

Kiya Karte Akele Mei Saja Kar Koi Mehfil!
Jab Saath Mera Kisi Ne Nibhana Hi Nahi Tha

Dil Ne Tou Bohot Chahaa Magar Kis Tarha Jeetay
Jeenay Ke Liye Koi Bahana Hi Nahi Tha

Murr Murr Ke Dekhtey Rahey Hum Umr Bhar Magar
Tum Aaye Nahin KiunKe Tum Ko Tou Anaa Hi Nahi Tha

Ab Jhuk Ke Meri Laash Ko Jhin Jhoor Rahay Ho
Jesay Teri Dunya Se Mujhay Kabhi Jana Hi Nahi Tha


Also read: Khamoshi Urdu Poetry

Har Zarra e Ummid Se Khushboo Nikal Aaye!

Har Zarra e Ummid Se Khushboo Nikal Aaye
Tanhaai Ke Sehra Mei Agar Too Nikal Aaye

Kaisa Lagey Iss Baar Agar Mousam e Gull Mei
Titli Ka Badan Orrh Ke Jugnoo Nikal Aaye

Phir Dinn Teri Yaado Ki Munderon Pe Guzra
Phir Shaam Hui Aaankh Se Aansu Nikal Aaye

Be Chen Kiye Rehta Hai Dharka Yahi Jee Ko
Tujh Mei Na Zamaney Ki Koi Khoo Nikal Aaye

Phir Dil Ne Kiya Tark e Taalluk Ka Iraada
Phir Tujh Se Mulaakat Ke Pehloo Nikal Aaye


May you like:
Mai Udaas Rasta Hoon Shaam Ka

Usse Hum Bhool Jatey Han! - Bhula Dena Poetry

Baaz Ajao Taghaful Sey Warna Ahl e Dil Aksar
Jise Bhool Jate Han, Osey Bass Bhool Jate Han!

~~~~~~~~~~~~~~~~~~~~~~~~~~~~~~~~~~

Abhi Masroof Hoon Kaafi,
Kabhi Fursat Main Sochun Ga!!
Ke Tujh Ko Yaad Rakhney Mei,
Mai Kia Kia Bhool Betha Hoon!!

~~~~~~~~~~~~~~~~~~~~~~~~~~~~~~~~~~

Yaar Ab Mujhey Bhool Jao Tou Behter Hai
Mai Ab Kisi Ko Kho Nahin Sakta!!

~~~~~~~~~~~~~~~~~~~~~~~~~~~~~~~~~~

Yehi Dastoor Hay Apna, Zabardasti Nahin Kartey!
Jo Thoraa Hatt Ke Milta Hay, Usse Hum Bhool Jatey Han!

~~~~~~~~~~~~~~~~~~~~~~~~~~~~~~~~~~

Bikhri Ret Pr Kis Naqsh Ko Abaad Rakhay Ga!
Woh Mujh Ko Yaad Rakhh Kr Bhi Kitna Yad Rakhay Ga!

Usse Bunyaad Rakhhni Hai Abhi Dil Mei Mohabbat Ki,
Magar Yeh Sang Seeney Pr Woh Mere Baad Rakhay Ga!

Palat Kr Bhi Nahi Dekhi Teri Yeh Be Rukhhi Hum Ne!
Bhula Denge Tujhay Aesa Ke Tu Bhi Yaad Rakhay Ga..!


~~~~~~~~~~~~~~~~~~~~~~~~~~~~~~~~~~

Ab Merey Ashk e Mohabbat Bhi Naheen Ap Ko Yaad!
Ap To Apney Hi Daman Ki Nami Bhool Gaye!

~~~~~~~~~~~~~~~~~~~~~~~~~~~~~~~~~~

Hawaaen Sard Ho Jaaen ' Ya Lehjay Barf Ho Jaaen

Hawaaen Sard Ho Jaaen
Ya Lehjay Barf Ho Jaaen,

Hum Us Ki Yad Ki Chadar Ko
Khud Pe Taan Letay Hain

Suno Darvaish Logon Ki

Mohabbat Ka Erada Badal Jana Bhee Mushkil Hai

Mohabbat Ka Erada Badal Jana Bhee Mushkil Hai

Tumhe Khona Bhee Mushkil Hai, Tumhe Pana Bhee Mushkil Hai

Udaasi Terey Chehrey Ki Gawara Bhee Naheen Lekin

Teri Khatir Sitaare Torr Ke Lana Bhee Mushkil Hai

Zara Si Baat Pe Aankhain Betth Jatey Ho

Tumhe Tau Apney Dil Ka Haal Batana Bhee Mushkil Hai

May you like:

Khamoshi Urdu Poetry

Chaho To Theher Jana ' Chaho To Guzar Jana

Avaaragi Mei Hum Ney Isko Bhee Hunar Jaana
Iqraar e Wafa Karna Phir Us Sey Mukar Jaana

Jab Khwaab Nahi Koi, Kya Zindagi Kar Karna Hay
Hr Subah Ko Jee Utthna ' Hr Raat Ko Marr Jana

Shab Bhar Ke Thikaane Ko ' Ik Chhat Ke Sivaa Kya Hay
Kya Waqt Pe Ghar Jana ' Kya Dair Se Ghar Jana

Aesa Na Ho Darya Mey Tum Baar e Giraan Thehro
Jb Logg Ziyada Hon Kashti Se Utar Jana

Suqraat Ke Peene Se Kya Mujh Pe Ayaan Hota
Khud Zeher Piya Mai Ne Tab Uska Asar Jana

Jb Bhi Nazar Aao Gay ' Hum Tum Ko Pukarain Gay
Chaho To Theher Jana ' Chaho To Guzar Jana


You may like:
Urdu Poetry on Khamoshi

Baat Niklay Gi Tou Phir Dour Talak Jaaye Gi!

Baat Niklay Gi Tou Phir Dour Talak Jaaye Gi
Logg Bewaja Udaasi Ka Sabab Poochen Gay
Yeh Bhee Poochen Gay K Tum Itnay Pareshan Kiu Ho
Ungliyan Uttain Gi Sookhay Howe Baalon Ki Taraf
Ek Nazar Dekhain Gay Guzray Howe Saalon Ki Taraf
Choorion Pe Bhee Kayi Tanzz Kiye Jaayen Gay
Kaanptay Haathon Pay Bhee Fikray Kasay Jaayen Gay
Logg Zaalim Hen Har Ik Baat Pay Taana Dain Gay
Baaton Baaton May Mera Zikr Bhee Ley Aayen Gay
Unki Baaton Ka Zara Saa Bhee Assr Mat Layna
Warna Chehray Kay Taassur Say Samajh Jaayen Gay
Chaahy Kuch Bhee Ho Sawaalat Na Karna Unn Say
Merey Baaray Me Koi Baat Na Karna Unn Say
Kiun Kay...,
Baat Niklay Gi Tou....!

Hawa Thami Thie Zaroor Lekin

hawaa thami thie zaroor lekin
Wo sham jese sisak rahi thy

k zard patt'on  ko aandhion ne
ajeeb qissa suna diya tha

k jisko sun kar tamam patt'ay
sisak rahe thy bilak rahe thy

jaanay kis saanihay k gham mai
shajar jaron se ukhar chukay  thy

bohut talasha tha hum ne tmko
har aik rasta, har aik waadi
har aik parbat, har aik ghaati

kaheen se teri khabar na aai thie
to keh k hum ne dil ko taala

hawaa thamay gi to dekh laingy
hum uske raston ko dhoond laingy

magar hmari ye khush khyali
jo humko barbad kr gai thie

hawaa thami thie zaroor lekin
bari hi muddat guzar chuki thie

hmaray baalon k janglon main
safaid chandni uttar chuki thie

falak pe taaray nahi rahay thy
ghulab pyaray nahi rahay thy

wo jin se basti thie dil ki basti
wo log saare ni rahay thie

ye almiya sb se baala tar tha
k hum tmhaare nahi rahey thie
k hum tmhaare nahi rahay thie

hawaa thami thie zaroor lekin
bari hi muddat guzar chuki thie

Read:
Poetry Ghazal on Khulus e Dil Se Aari Han Yahan Insan Bohot

Jo Chaley Tou Jaan Sey Guzarr Gaye..!

Tujhey Kiya Khabar Merey Haal Ki..!
Merey Dar..! Merey Malaal Ki..!

Yey Merey Khayaal Ka Silsilaah..!
Kisi Yaad Sey Hai Milaa Howa..!

Usey Dekhnaa..! Usey Sochnaa..!
Meri Zindagi Ka Hai Faysala..!

Yey Ussi Ki Palkoon Key Saayey Hen..!
Meri Rooh Mey Jo Utarr Gaye..!

Yey Junoon e Manzil e Ishhq Hai..!
Jo Chaley Tou Jaan Sey Guzarr Gaye..!

Mujhey Iss Maqaam Pey Choorna..!
Hai Yey Bewafaai Ki Intehaa..!

Yey Qafass Ho Jesey Khuli Fizaa..!
Yaheen Sukhh Ka Saans Mai Loon Sadaa..!

Jinhen Teri Deed Ki Piyaas Thi..!
Woh Katoray Nainoon Sey Bharr Gaye..!

Yey Junoon e Manzil e Ishhq Hai..!
Jo Chaley Tou Jaan Sey Guzarr Gaye..!


Read Another Urdu Ghazal
Bicharnay Wale Ka Ab Tak

Suno!! Tum Nay Kabhee Sahil Pay Bikhri Rait Daikhi Hay!! - Samandar Saath Baitha Hy!

Suno..!
Tum Nay Kabhee
Sahil Pay Bikhrree
Rait Dekhee Hy??

Samandar Saath Baitha Hy
Magar Os Kay Muqadar May
Hamaisha Pyaas Rahti Hy!!


Suno..!
Tum Nay Kabhee
Sahra May Jaltay
Pairr Daikhay Han??

Sabhee Ko Chhaon Daitay Han
Magar Inn Ko Silay May
Dhoop Milti Hy!!


Suno..!
Tum Nay Kabhee
Shaakho Say Bichhartay
Phool Daikhay Han..?

Wo Khushboo Baant Daitay Han
Bichhar Janay Talak Lekin
Hawa Ka Saath Daitay Han!!


Suno..!
Tum Nay Kabhee Mailay May
Bajtay Dholl Daikhay Han??

Ajab Hay Almia In Kaa
Bohot Hee Shorr Kartay Han!!
Magar Andar Say Khaali Hotay Han!!

Yehi Mera Fasanaa Hay!!
Yehi Meri Kahani Hay!!


More in Urdu Poetry
Keep reading: sad poetry at softsonnets.blogspot.com


Image: http://www.flickr.com/photos/jjjohn/2240602720/

Khamosh Sa Sheher - Latest Urdu Poetry on Khamoshi - Beautiful Collection

Khamosh Sa Sheher
Oor
Guftuguo Ki Arzu

Hum Kis Se Karin Baat
Koi Bolta Hi Nahie

Chaman Mai Dhoundti Phirtee Hay Barg E Awaara!

Hum Han Voh Barg E Khizaan Deeda Jinhay
Nasir!

Chaman Mai Dhoundti Phirtee Hay Barg E Awaara!

Couplet by Nasir Kazmi

Chashm e Tamannaa Bujh Jaayey!

Khwaab Jal Jaayain,
Meri Chashm e Tamannaa
Bujh Jaayey!

Buss Hathayli Say Urray
Rang e Hina Aaahistaa!

Beautiful Poetry by Parveen Shakir

Bujhee Bujhee Si Hy Kiun

Bujhee Bujhee Si Hy Kiun
Is Chaand Ki Ziyaa Nasir!

Kahan Chali Hy Ye Kasa
Uthaye Shaam e Firaak!

Meri Baatain Behki Behki - Jaise Ghalib Ka Deewan

Us Ki Baatain Sochi Samjhee
Jaisey Meer Kay Naazuk Shair

Meri Baatain Behki Behki
Jaise Ghalib Ka Deewan!

Zindagi Terey Taa'qub Mai Logg

Zindagi Terey Taa'qub Mai Logg
Itna Chaltay Han Kay Mar Jatay Han!

Zara Kar Zorr Seene Par - Ke Teer e Pur Sitm Nikley

Zara Kar Zorr Seene Par

Ke Teer e Pur Sitm Nikley

Jo Voh Nikley Tou Dil Nikley

Jo Dil Nikley Tou Dumm Nikley

Said by Ghalib

Khoob Nibhai Tou Ney

Afreen Daagh Tujhey, Khoob Nibhaai Tou Ney
Marhaba, Koocha e Dildaar Sey Mar Kar Nikla!

Daagh Dehelvi

Hijer Ki Nm Aalood Hava!

Hijer Ki Nm Aalood Hava!
Her Shaam Dhaly!
Aankh Bhigo Jaati Hay!
Or Mai
Dheerey Sey Darvazaa
Band Karta Hoon!
Ro Daita Hoon!


Posted in sad poetry sms

Khulus e Dil Say Hen Aari Yhan Insaan Bohot

Khulus e Dil Say Hen Aari Yhan Insaan Bohot,
Yhan Ihsaan Kay Badlay Main Hen Nuqsaan Bohot!

Nafa Bohot Hae Yhan Jhoot Ko Nibhanay Main,
Keh Such Kay Rastay Main Hen Yhan Reh'zaan Bohot!

Junoon Kay Jaal Main Hon Yaa Anaa Kay Pardon Main,
Shaoor e Zeest  Main Lekin Rhay Nadaan Bohot!

Yhan Ihsaas Nahin Hay Wafa Kay Jazbon Ka,
Meri To Jaan Kay Dhar Per Hen Meherbaan Bohot!

Chalo Firaaq e Mohabbat Main Jee Kay Daikh Len Humm,
Wafa Jafa Main Ulajh Kar Rhay Na'Kaam Bohot!

Shaitaan Ko Kah Kay Bura Uskay Kaam Aatay Hen,
Magar Khudaa Pay Bhee Rakhtay Hen Wo Imaan Bohot!

Posted in sad poetry

Uss Main Mujhh Main Ehed Hua Thaa

Uss Main
Mujhh Main...
Ehed Hua Thaa!

Ek Doojay
Ko
Bhoolnay Ka!


Uss Nay
Qoul
Nibhaaya Puura!

Mai Emaan
Ka
Kachaa Niklaa!


Filed in sad urdu poetry

Pichle Baras Yeh Darr Tha!

Pichhlay Baras Yeh Darr Thaa!
Tujjhay Khho Na Doun Kaheen!

Abb Kay Baras Duaa Hay!
Teraa Saamna Naa Hou...!

Aor Bhi Honge Hazaron Ehel e Dil!

Tuu Ney Pher Thukra Dia Tou Kia Howa!
Zakhm Pher Taaza Howa Tou Kia Howa!

Apney Milan Mei Ek Haan Ki Der Thi!
Tujh Sey Vo Bhi Na Howa Tou Kia Howa!

Eik Saada Dil Tumharey Ishk Mei!
Be - Waja Rusva Howa Tou Kia Howa!

Terey Jaane Se Howa Kuch Tou Nahin!
Dard Agar Ziada Howa Tou Kia Howa!

Jis Ko Chaha Hum Ney Saari Zindagi!
Vo Hamara Na Howa Tou Kia Howa!

Aor Bhi Honge Hazaron Ehel e Dil Ghayal!
Mai Agar Tanha Howa Tou Kia Howa!


More in Urdu Poetry

Mai Zindagi Ka Bojjh Liye!

Mai Zindagi Ka Bojjh Liye Doob To Gaya!
Ruswaa Kiya Hay Laash Ne Pani Peh Ter Kr!

More in sad poetry